ചേർപ്പ് കോടന്നൂരിൽ വൻ ലഹരിവേട്ട

ചേർപ്പ് : തൃശ്ശൂർ റൂറൽ പരിധിയിൽ ലഹരിസംഘങ്ങൾക്കെതിരെ നടത്തുന്ന 'തൂഫാൻ ദ നാർക്കോ ഹണ്ട്' (Toofan; the Narco Hunt) എന്ന സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ മാരക ലഹരിമരുന്നായ അരക്കിലോയോളം ഹാഷിഷ് ഓയിലുമായി ഒരാൾ പിടിയിലായി. വയനാട് നെടുംപാല ഉപ്പുപാറ സ്വദേശി തട്ടാരത്തുപി വീട്ടിൽ ജിത്തു (21) എന്നയാളെയാണ് ചേർപ്പ് പോലീസ് അറസ്റ്റ് ചെയ്തത്. തൃശ്ശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐ.പി.എസ് ന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഞായറാഴ്ച (31-05-2026) രാത്രി 11.05 ഓടെ കോടന്നൂരിൽ നടത്തിയ മിന്നൽ റെയ്ഡിലാണ് പ്രതി വലയിലായത്. ചേർപ്പ് പോലീസ് സ്റ്റേഷൻ എസ്.ഐയും സംഘവുമാണ് പ്രതിയെ പിടികൂടിയത്.